Mee mala naaf himaa
=====================
Mee mala naaf himaa
Waaniin godhuun dhabee
As oofee achi oofee
Olqabee gad-qabee
Halkan yaadaan buulaa
Hirriibaas niin dhabee
Guyyaas nagaa hin qabuu
Natti taate dhibee
Dhiiroo maaliin tahe?
Jaalalaa na qabee?
=================
Dachiitu naan maraa
Yoon lafaa ol-ka’ee
Imimmaaniin buusaa
Yoon maqaa kee dha’ee
Halkan meeqaatamiin
Hirriibaan manaa ba’ee
Nyaadhuus hin gabbadhuu
Garaan wal na dha’ee
Osumaan si yaaduu
Tulluu meeqa qaari’ee
Aduun meeqa dhiitee
Halkan naaf bari’ee
Ofiis numaan shakka
Dhiiroo maaliin ta’ee
Jaalaluma teeti moo
Michiitu na dha’ee?
====================
